أدبيات وابداعات عربية للنساء والرجال (منتدى القلب)
ادب وفن وحياة


محبة كبيرة ..فكر عريق..حرية في الابداع..حرية الفكر
 
الرئيسيةالبوابةس .و .جالأعضاءالمجموعاتالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» لأعراس الفلسطينية تراث متجدد في مخيمات الشتات\أحمد ديوان – مخيم البداوي
الأحد أغسطس 25, 2013 6:42 am من طرف ميرندا عبد الرحيم العلان

» زغاريد فلسطينية 4
الأحد أغسطس 25, 2013 6:33 am من طرف ميرندا عبد الرحيم العلان

» زغاريد فلسطينية 3
الأحد أغسطس 25, 2013 6:30 am من طرف ميرندا عبد الرحيم العلان

» زغاريد فلسطينية 2
الأحد أغسطس 25, 2013 6:12 am من طرف ميرندا عبد الرحيم العلان

» زغاريد فلسطينية...
الأحد أغسطس 25, 2013 6:10 am من طرف ميرندا عبد الرحيم العلان

» وفي نهاية الورقه / نقدم الاقتراحات \ خالد الطريفي
السبت يونيو 16, 2012 3:22 am من طرف ميرندا عبد الرحيم العلان

»  كل عام وانتم /بخير المسرحيون يريدون / والناس يريدون / الوزاره والحكومه ماذاتريد /خالد الطريفي
السبت يونيو 16, 2012 3:19 am من طرف ميرندا عبد الرحيم العلان

» المسرحيون بماذا يحلمون ؟! ..خالد الطريفي..
السبت يونيو 16, 2012 3:16 am من طرف ميرندا عبد الرحيم العلان

» خالد الطريفي..( المسرح بين المبنى والمعنى )
السبت يونيو 16, 2012 3:09 am من طرف ميرندا عبد الرحيم العلان

ازرار التصفُّح
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني
pubarab
pubarab

شاطر | 
 

 زغاريد فلسطينية 4

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ميرندا عبد الرحيم العلان
السكرتيرة
السكرتيرة
avatar

انثى
عدد الرسائل : 284
العمر : 48
الموقع : http://mirandaallan1969.ahlablog.com/index.htm
العمل/الترفيه : كاتبة..مغامرة..في كل شئ ..في سفر دائم مع الروح
تاريخ التسجيل : 20/10/2008

مُساهمةموضوع: زغاريد فلسطينية 4   الأحد أغسطس 25, 2013 6:33 am



* ايهاى ياهلا وسهلا ياللى جيت هالساعه
ايهاى واسمك ابو فلان وفيدك خاتم الطاعة
ايهاى وحيات انجوم الليل لماعه
ايهاى ما باصبر ع فراقك لا يوم ولا ساعه …

*****

* ايهاى اهلا وسهلا ياذياب بن غانم
ايهاى يامقوى الشدات ياابو الهمايم
ايهاى لولاك ولولا وجودك
ايهاى ان كان ضعنا فى اول الشلاشى …

*****

* ايهاى ياابو فلان يادارنا الواسعه والتجينا حذاك
ايهاى ياورد جورى فتح كل يوم نداك
ايهاى أسألت رب السما يقل عداك
ايهاى ويصبر عليك الزمان لما تنول مناك …

*****

* ايهاى يابى فلان ياشاشى على راسى
ايهاى يادارنا الواسعه يا برجنا العالى
ايهاى ما قلتلك ياخوى وردها على القاسى
ايهاى وملى قلوب العدا بارود ورصاصى …

*****

* ايهاى صحن رايب
ايهاى عليه السمن ذايب
ايهاى شوباش لاابو فلان
ايهاى عمنو فى الغربه غايب …

*****

* ايهاى ارفعى راسك يا مرفوعة الراسى
ايهاى لافيكى عيبه ولا مقولة الناسى
ايهاى ارفعى راسك لبيك وقوليلو
ايهاى احنا بنات فلسطين ما يغلى علينا غالى …

*****

ايهاي ارفعي راسك ياأصيلة
ايهاي والخلفة نتك زينة
ايهاى وان جبتى ولد يطلع لخالو
ايهاى وان جبتى بنت تطلع لستها أصيله …

*****

* ايهاى ياريتها مبروكه
ايهاى سبع بركات
ايها كما بارك محمد
ايهاى على جبل عرفات …

*****

* ايهاى ياعريس لاتعبس
ايهاى ومن خاص الذهب لبس
ايهاى وهذى عروستك بنت عمك
ايهاى ترفع راسك فى كل مجلس …

*****

* ايهاى وين رايحه تروحى ياللى روحى وروحك روح
ايهاى ياللى هدومك على بدنك بترد الروح
ايهاى والله لاكتب اسمى واسمك واعلقو فى لوح
ايهاى واعلقو فى الهوا لاجل البكى والنوح …

*****

* ايهاى وهذى حمرا وخضرا من خيول ذياب
ايهاى يركبها الهاشمى عمنو جيد الخال
ايهاى من هو خالك يالباس الدروعا
ايهاى خالى ابو فلان ومقوى شهاماتى …

*****

* ايهاى ابو فلان واولادو
ايهاى مثل الصوان فى اوتادو
ايهاى مسمار من عند الحداد
ايهاى يقلع عين حسادو …

*****

* ايهاى ياابو فلان ياكبيرنا
ايهاى ياململم عشيرنا
ايهاى انشاءالله بظلك طيب
ايهاى حتى تجوز كبيرنا وصغيرنا …

*****

* ايهاى فلان خطب وجوز
ايهاى وفلان على نيه
ايهاى وفلان يا عقد لولو
ايهاى على صدر كل غاويه …

*****

* ايهاى العرس ما هو فرحه
ايهاى ولاطهور الصبيان
ايهاىوالفرحه زيارة محمد
ايهاى عليه الصلاة والسلام …

*****

* ايهاى طارت الحمامه
ايهاى وهدت ع اللمامه
ايهاى يارب تشفى جرحانا
ايهاى وتروحهم بالسلامه …

*****

* ايهاى ياناس قولو قولو
ايهاى ايش ماقلتو قولو
ايهاى ابو فلان ياشك الذهب
ايهاى ومطعم باللولو…

*****

* ايهاى ثلاث حمامات برعن فى طريق الدير
ايهاى معهن شبيب اسمرانى حسو يناغى الطير
ايهاى بالاخص للبس الجوخه وحط السير
ايهاى وهذا ابو فلان مسولى عليه بالخير …

*****

* ايهاى ثلاث حمامات برعن فى ورق حنه
ايهاى لاهن مرعيات ولامبعدات عنا
ايهاى يابى فلان لن راح الطلب منا
ايهاى راحو مجاريح يشكو من فعايلنا …

*****

* ايهاى خياره وكوسا
ايهاى وكاسات مرصوصه
ايهاى وهذا الفرح عندنا
ايهاى عقبال عند اهل العروسه …

*****

* ايهاى يافلان يا شربة الذهب
ايهاى والمسك على بابها
ايهاى حلفت شباب فلسطين
ايهاى ما تشرب الا ابها…

*****

* ايهاى الحمد لله عمرت دور اهالينا
ايهاى وتمايل الفرح فيها كيف ما مالى
ايهاى وحياة روس الشباب نقالة الزينا
ايهاى ما صار ع الصاحب شده وتخلينا …

*****

* ايهاى تفاح بيارى
ايهاى وعليه الميه جارى
ايهاى واحنا بنات فلسطين
ايهاى ما يغلى علينا غالى …

*****

* ايهاى شقحنا بطيخه
ايهاى طلعت حمره ومليحه
ايهاى واللى تهمت فلان
ايهاى يبلاها بالفضيحه


قـــومـــي معـــي يـــا نعنــــا
ويلــــي بــالـــذهــــب مقمعـــــا
ويخليلـــك أبـــوكـــي وإخـــوانـــك
وتظلّـــي بحيـــاتٌ مـــــدلعــــــــه


*****

أويهـــــا
يــــا قـــاعــدة عـــالمـــراتـــب قعــدة البنـــا
أويهــــا
والكحـــــل بعيــــونـــــك زقفتلـــــوا غنــــــا
أويهـــا
حطّــــي القـــدم عــالقـــدم مـــا سمعتلـــوا رنّــا
أويهــــا
يجعـــل البطـــن يلّــي حملــك مسكنـــوا الجنــة

*****

جيــــت أغنـــي وقبلـــي مــا حـــدا غنـــا
بقــــاع وادي فيــــه الطّيــــــر بيستنــــــا
وريتـــك يـــا بهاء بهــالعـــروس تتهنـــا
وتظــــل ســــالـــم ويظـــل الفـــــرح عنّــا

*****

أويهـــا
زرعنـــا نجــــاصـــــه
أويهـــا
وبــالبحــر غطّــاســـه
أويهـــا
ويلّــي مــا بحبـــك يــا ضيـــاء
أويهـــا
إطـــب بقلبـــو رصـــاصـــة

*****

اويها
اسم الله عليك
اويها
عين الله عليك
اويها
عين الحاسدة تعمى
اويها
والي ما تسمي عليك

*****

اويها...
ضليت أركض ورا الجواد لناسبهم
اويها...
هب الهوى ورماني على مصاطبهم
اويها...
دعيت رب السما ينصرهم
اويها...
نصره عزيزة تجبر بخاطرهم

*****

اويها ...
بمقص الذهب قصلوا يا بشارة
اويها...
لزينة الشباب وزينة الحارة
اويها ...
ان وصفت بالوصف ما وفيت
اويها ...
أمير صغير وتلبقلوا الامارة


ايهاى وحد ربك ياغفلان
ايهاى على كل من صبر ونال
ايهاى لابد الحزين ما يفرح
ايهاى ويقضى العمر فرحان

ايهاى ماشفت محمد يتخطم من قفا الصيوان
ايهاى مشياتو يتخطم ويمشى مشية الحكام
ايهاى رفع عن يمينو شاشت العربان
ايهاى اشرب عوافيك ياللى ماسك الفنجان


ايهاى لولا ابو محمد مارفعت انا راسى
ايهاى ولا البست الثوب باربع حواشى
ايهاى لولا ابو محمد ولولا وجودوا
ايهاى لكان ضعنا فى اول الشلاشى

ايهاى مع السلامه ياجملة حبايبنا
ايهاى ياللى على افراقو هالن مدامعنا
ايهاى انتو الله يساهل عليكو
ايهاى واحنا الله يصبرنا

ايهاى لاهو بقول النذل ولا بقول اللاش
ايهاى ولابقول النذل يرخص بنات الناس
ايهاى ايهاى ولاهو بقولك ياموكوس توكسنا
ايهاى واحنا البربراويات وكل الناس تعرفنا


ايهاى واحنا البرابره من حق وحقيق
ايهاى ياخيول اهلنا ترعى فى المشاريق
ايهاى ياطلة محمد ع العرب بتنشف الريق
ايهاى حتى كلامو يخرط فى المعاليق

ايهاى واحنا البرابره مين يقدر يحاصرنا
ايهاى ياحاملين البارود على كتوفتنا
ايهاى اسالت رب السما من فوق ينصرنا
ايهاى نصره عظيمه تجبرلى خواطرنا


ايهاى لاتحسبونا من الهجره ذلينا
ايهاى واحنا البرابره والشور فى ايدينا
ايهاى وحياة روس الشباب نقالة الزينا
ايهاى ماسارت شده على فلسطين واتخلينا


ايهاى وكتيش يغيب القمر وارميلك المفتاح
ايهاى وادخلك جنينة ابى وشممك لرياح
ايهاى يازارعين البلح وازرعوا التفاح
ايهاى دار العشق فى البلد وانا صبى فلاح


ايهاى واحنا البربراويات جد بجد
ايهاى زى خيل الاصايل كاملات العده
ايهاى واللى يناسبنا ويوخذ بنتنا
ايهاى يهيل الذهب ع روسنا بالمده


ايهاى الثنين هالثنين دام الله هالثنينى
ايهاى ابو محمد على الراس وابو احمد على العينى
ايهاى نذر على ان ظلولى هاثنينى
لجيب للدار طبليني وزمريني



ايهاي يابي محمد ياقرنفل ملات ايدي
ايهاى طعام للزاد ياخلفة الاجاويدى
ايهاى نذر على ان جاك الفرح ياسيدى
ايهاى لجيبلك مغنى يغنيلك تراويدى


ايهاى بقيت نايم وملقى الهم ع صدرى
ايهاى يتحدثوا فى الشوار وانا ماادرى
ايهاى لما كبر محمد واشتد ظهرى
اويها ...
بمقص الذهب قصلوا يا بشارة
اويها...
لزينة الشباب وزينة الحارة
اويها ...
ان وصفت بالوصف ما وفيت
اويها ...
أمير صغير وتلبقلوا الامارة


أويهــــا
ارفـــع عينـــك يــا أنــس واقشعهــــا
أويهـــا
وكـل مـا قلتلـك كلمـي إسمعهـــا
أويهــا
وكـــل المـال يلّـــي حطيتـــوا
أويهــا
مــا بيســــوى راس أصبعهــــا

_________________
ولما رأيت الجهل في الناس فاشيا.......تجاهلت حتى ظنّ أني جاهل
فوا عجبا كم يدّعي الفضل ناقص.......ووا أسفا كم يظهر النقص فاضل
وقال السّهي للشمس انت خفية.........وقال الدجى للصبح لونك حائل
فيا موت زر انّ الحياة ذميمة..........ويا نسل جدّي انّ دهرك هازل
الرجوع الى أعلى الصفحة اذهب الى الأسفل
 
زغاريد فلسطينية 4
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أدبيات وابداعات عربية للنساء والرجال (منتدى القلب) :: صحافة وأعلام :: تراث-
انتقل الى: